11 قوتابی و مامۆستایه‌ك به‌هۆی ئاگركه‌وتنه‌وه گیانیان له‌ده‌ستدا
K24 – هه‌ولێر
له ناوچه‌ی ئالداغی ئادانای توركیا به‌هۆی ئاگركه‌وتنه‌وه له قوتابخانه‌یه‌كی كچانە 11 قوتابی و مامۆستایه‌ك گیانیان له‌ده‌ستدا و 22 دیكه‌شی بریندار بوون.
به‌پێی سه‌رچاوه‌كانی جێگری سه‌رۆك وه‌زیرانی توركیا، ئاگركه‌وتنه‌وه له قوتابخانه‌ی سێ نهۆمی كەرتی تایبەت به‌هۆی كاره‌باوه بووه .
22 قوتابی له په‌نجه‌ره‌وه خۆیان فڕێداوه خواره‌وه و به‌هۆی برینداربوون و كاریگه‌ری دووكه‌ڵ بۆ نه‌خۆشخانه گواستراونه‌ته‌وه.
پاش سێ كاتژمێر ته‌رمی 11 قوتابی و مامۆستایه‌ك له‌ناو پاشماوه سووتاوه‌كانی قوتابخانه دوزراوه‌ته‌وه.