تایم: ترامپ پیاوی ساڵه
K24 - هه‌ولێر:
گۆڤاری (تایم)ی ئه‌مه‌ریكی، ساڵانه كاریگه‌رترین كه‌سایه‌تی له‌سه‌ر ئاستی جیهان ده‌ستنیشان ده‌كات و بۆ ساڵی 2016ش، دۆناڵد ترامپ، 45ه‌مین سه‌رۆكی هه‌ڵبژێردراوی ئه‌مه‌ریكای وه‌ك كاریگه‌رترین كه‌سایه‌تی دیاریكردووه.
ترامپ له گفتوگۆیه‌كی كورت له به‌رنامه‌ی (توده‌ی) ته‌له‌ڤزیۆنی (ئێن بی سی) گوتی: "ئه‌وه شه‌ره‌فێكی گه‌وره‌یه و بۆ من مانایه‌كی زۆر هه‌یه".
گۆڤاری تایم ساڵانه، گرووپێك، یان بیرۆكه یان كه‌سایه‌تییه‌ك، ده‌ستنیشان ده‌كات، كه زۆرترین كاریگه‌ری له‌سه‌ر جیهان هه‌بێت، به باش یاخود خراپ، تا ساڵی 1999 ئه‌و پرۆژه‌یه‌ی گۆڤاره‌كه ناوی "پیاوی ساڵ" بوو.
گۆڤاره‌كه له ساڵی 2010 (مارك زوكه‌ربێرگ)ی وه‌ك كه‌سایه‌تی ساڵ هه‌ڵبژارد، ساڵی 2012 ئه‌نگێلا مێركل، راوێژكاری ئه‌ڵمانیا، بۆ ساڵی 2015ش، باراك ئۆباما، 44ه‌مین سه‌رۆكی ئه‌مه‌ریكا به پیاوی ساڵ، ده‌ستنیشانكرد.
