خواردنه‌وه كحولییه‌كانی داعش نمایش ده‌كرێن
K24 – هه‌ولێر
هیزی دژه تیرۆری عێراق له موسڵ ده‌ستی به‌سه‌ر بڕیكی زۆری چه‌ك و ته‌قه‌مه‌نی و گوللـه هاوه‌ن و ماده‌ی ته‌قینه‌وه، بۆمبی ده‌ستكردی داعش ده‌گرێت كه زۆرێك له گوللـه هاوه‌نه‌كان له لایه‌ن داعشه‌وه دروستكراون.
ئه‌وه‌ی سه‌رنجی هه‌موو كه‌سیك بۆ لای خۆی راكێشاوه، بووتی قووتی بیره و ویسكییه كه له لایه‌ن چه‌كدارانی داعش به‌كار هێنراون و قووتییه‌كانی نمایش كران.
كوردستان24 ئه‌و كه‌ره‌ستانه‌ی داعش بۆ بینه‌رانی گواسته‌وه كه له لایه‌ن هێزی دژه تیرۆری عێراق نمایش كران.
ئۆپه‌راسیۆنی گرتنه‌وه‌ی موسڵ رۆژی 17 تشرینی یه‌كه‌می رابردوو به به‌شداری 100 هه‌زار له هێزه‌كانی عێراقی و كوردستانی و هێزێكی تایبه‌تی ئه‌مریكا و پیشتگیری هاوپه‌یمانی نێوده‌وڵه‌تی بۆ شه‌ڕی دژی داعش ده‌ستیپێكرد.