مەكتەبی سیاسی پارتی و یەكێتی بۆ تاوتوێكردنی دۆخی سیاسی كوردستان لە كۆبوونەوەدان

K24 - ھەولێر

ئاراس ئەحمەد پەیامنێری كوردستان24 رایگەیاند: "كەمێك پێش ئێستا كۆبوونەوەی مەكتەبی سیاسی پارتی دیموكراتی كوردستان و یەكێتی نیشتمانی كوردستان لە ھەولێر دەستیپێكرد.

سەرچاوەیەكی ئاگادار بە كوردستان24 راگەیاند "لە كۆبوونەوەكەدا مەكتەبی سیاسی پارتی و یەكێتی، دوایین گۆڕانكارییە سیاسییەكان و پەیوەندی نێوان ھەردوولا و چارەسەركردنی كێشە نێوخۆییەكانی ھەرێمی كوردستان تاوتوێ دەكەن".

شاندی پارتی دیموكراتی كوردستان لەلایەن نێچیرڤان بارزانی سەرۆكایەتی دەكرێت و ئەندامانی شاندەكە پێكھاتوون لە رۆژ نووری شاوێس، فازڵ میرانی، ئازاد بەرواری، عزەدین بەرواری، مەحموود محەمەد و كاكەمین نەجاڕ، دڵشاد شەھاب، ھەروەھا كۆسرەت رەسوڵ، سەرۆكایەتی شاندی یەكێتی نیشتمانی كوردستان دەكات ھەر یەك لە مەلا بەختیار، حاكم قارد حەمەجان، ئەرسەلان بایز، شێخ جەعفەر، سەعدی پیرە، عومەر فەتاح، رزگار عەلی ئەندامانی شاندەكەن.