دوو سەربازی توركیا لە ناوچەی باب كوژران
K24 – ھەولێر
سوپای توركیا كوژران و برینداربوونی 5 سەربازی خۆی لە ناوچەی "ئەلباب" لە باكووری پارێزگای حەلەب راگەیاند.
بە پێی بەیاننامەیەكی سوپای توركیا دوو سەربازی ئەو وڵاتە لە ئەنجامی تەقینەوەی بۆمبێكی دانراوی داعش لە باشووری ئەلباب كوژران و سێ دیكەشی برینداربوون.
سەرۆك وەزیرانی توركیا بیناڵی یلدرم رایگەیاند سەربازەكانمان بوونەتە ئامانجی ھێرشێكی خۆكوژی.
ھەر ئەمڕۆ لە ناوچەی ئەلباب 45 چەكداری ئۆپۆزسیۆنی سوریا و دانیشتوانی ناوچەكە بەھۆی ئۆتۆمبێلێكی بۆمبەكراوی خۆكوژێكی داعش دەكوژرێن و نزیكەی 100 دیكەشی برینداربوون.
لە بەیاننامەی سوپای توركیا ھاتووە لە دەوروبەری كاتژمێر 12:00 لە باشووری ئەلباب بۆمبێك لە جوری EYP بە ھێزەكانیان تەقیوەتەوە و لە ئەنجامدا دوو سەرباز كوژران و سی دیكەشی برینداربوون.
سوپای توركیا رۆژی 24 ئابی 2016 بە یاوەری گروپە چەكدارەكانی ئۆپۆزسیۆنی نزیك لە ئەنقەرە لە چوارچێوەی ئۆپەراسیۆنی قەڵغانی فورات ھێرشیكردە سەر ناوچەكانی رۆژئاوای كوردستان لە نێوان كوبانێ و عەفرین، سەرەتا چووە ناو جەرابلوس و پاش 184 رۆژیش گەیشتنە سەنتەری ناحیەی باب.
JS