عێراق مانگێكی دیكەی خوێناوی بەڕێدەكات
K24 - ھەولێر
بە گوێرەی ئامارێك تەنھا لە مانگی رابردوودا 548 ھاووڵاتی سڤیل لە عێراق كوژراون.
نێردەی نەتەوە یەکگرتووەکان بۆ ھاریکاریی عێراق (یونامی) ئامارێكی لەبارەی قوربانیانی شەڕ و توندوتیژی لە مانگی رابردوودا لە عێراق بڵاوكردەوە، بە گوێرەی ئامارەكە لە دەرەنجامی کردەوە توندوتیژی و تیرۆرستی و پێکدادانی چەکداری کە لە مانگی ئاداری ئەمساڵ واتا مانگی رابردوو، 548 ھاووڵاتی عێراقی کوژراون و 567 کەسی دیکەش برینداربوون.
یونامی ئاماژەی بەوەداوە، ژمارەی کوژراوانی مەدەنی لە مانگی کانوونی دووەم 543 کەسە، ھیچیان پۆلیس نین و بریندارە مەدەنیەکانیش ژمارەیان 561 کەسە.
لە ئامارەكەدا ئەوە روونكراوەتەوە، پارێزگای نەینەوا خوێناویترین پارێزگا بوو بە 541 قوربانی سڤیل، 367 کوژراو و 174 بریندار، لە دوای ئەو پارێزگای بەغدا دێت بە 84 کوژراو و 246 بریندار، دواتر پارێزگای سەڵاحەدین 38 کوژراو و 68 بریندار.