په‌یوه‌ندییه‌كی ته‌له‌فۆنی نێوان مۆرینهۆ و مۆراتا ئاشكرا ده‌بێت
سه‌رچاوه‌یه‌كی راگه‌یاندنی نزیك له یانه‌ی ریال مه‌درید، ئاشكرای كردووه كه خۆزێ مۆرینهۆی راهێنه‌ری مانچێسته‌ر یونایتد په‌یوه‌ندییه‌كی ته‌له‌فۆنی له‌گه‌ڵ ئه‌لڤارۆ مۆراتا ئه‌نجامداوه و ده‌قی قسه‌كانیشی بڵاو كردۆته‌وه.
ئه‌مڕۆ یه‌كشه‌ممه، 11 حوزه‌یرانی 2017، پێگه‌ی ماركای ئیسپانیا، له راپۆرته هه‌واڵێكدا رایگه‌یاندووه كه مۆرینهۆ له گفتووگۆیه‌كی نهێنی و تایبه‌تدا مۆراتای رازیكردووه كه به 70 ملیۆن یۆرۆ په‌یوه‌ندی به مانچێسته‌ر یونایتده‌وه بكات.
سه‌رچاوه‌كه ده‌قی گفتووگۆیه‌كه‌ی به‌م شێوه‌یه بڵاو كردۆته‌وه.
خۆزێ مۆرینهۆ: وه‌ره بۆ یاریگه‌ی خه‌ونه‌كان و جارێكی دیكه گرینگیت پێده‌ده‌مه‌وه.
ئه‌لڤارۆ مۆراتا: سڵاو مسته‌ر، خۆشحاڵ ده‌بم كه له‌ژێر سه‌رپه‌رشتی تۆ یاری بكه‌مه‌وه.
خۆزێ مۆرینهۆ پێشتر له نێوان ساڵانی 2010 ـ 2013 راهێنه‌ری ریال مه‌درید بووه، ئه‌وكات بۆ یه‌كه‌مجار ئه‌لڤارۆ مۆراتای بانگهێشتی تیپی یه‌كه‌می یانه شایانه كرد و گرینگییه‌كی باشی پێدا، به‌ڵام دوای رۆیشتنی مۆرینهۆ، هێرشبه‌ره ئیسپانیاییه‌كه‌ش راسته‌وخۆ به‌ره‌و یوڤێنتۆس رۆیشت.