یەكەم فێستیڤاڵی گەشتیاری دەربەند بەڕێوەچوو
K24 – ھەولێر
یەكەم فێستیڤاڵی گەشتیاری دەربەند لە رانیە لەلایەن بەڕێوەبەرایەتی گەشتوگوزاری راپەڕین بە ھەماھەنگی لەگەڵ ژمارەیەك دامەزراوەی دیكەی دەڤەرەكە رێكخرا.
لە فێستیڤاڵەكەدا چەندین چالاكی بەڕێوەچوون وەك پێشانگای تایبەت بە وێنەكانی دەربەند، پێشبڕكێی مەلەوانی، نمایشی پەرەشوود، پێشبڕكێی مەلەوانی بە كۆمەڵ و بەلەمەوانی.
دەربەندی رانیە یەكێكە لە ناوچە گەشتیارییەكانی دەڤەری راپەڕین، بە دووری 4كم، دەكەوێتە رۆژهەڵاتی سەنتەری رانیە و ساڵانە ژمارەیەكی زۆر گەشتیار رووی تێدەكەن.
فۆتۆ: ھەڤاڵ مەلا
