توركيا: له‌گه‌ڵ عێراق ئۆپه‌راسیۆنی هاوبه‌ش له‌ دژی په‌كه‌كه‌ ئه‌نجام ده‌ده‌ین

K24 - هه‌ولێر:

مه‌ولوود چاوشئۆغلو، وه‌زیری ده‌ره‌وه‌ی توركیا ئاشكرای ده‌كات، وڵاته‌كه‌ی به‌ هاوبه‌شی له‌گه‌ڵ عێراق، ئۆپه‌راسیۆنێكی هاوبه‌ش له‌ دژی پارتی كرێكارانی كوردستان (په‌كه‌كه‌)، ئه‌نجام ده‌ده‌ن.

وه‌زیری ده‌ره‌وه‌ی توركیا راشیگه‌یاند، ئۆپه‌راسیۆنی "چڵه‌ زه‌یتوون"، له‌ مانگی ئایار/ مایۆی داهاتوو كۆتایی دێت و دوای ئه‌ویش له‌گه‌ڵ عێراق, له‌ دژی چه‌كدارانی په‌كه‌كه‌، ده‌ست به‌ ئۆپه‌راسیۆنێكی هاوبه‌ش ده‌كه‌ن.

ئه‌و لێدوانه‌ی وه‌زیری ده‌ره‌وه‌ی توركیا، دوای چه‌ند رۆژێك له‌ سه‌ردانی خلوسی ئاكار، سوپاسالاری توركیا دێت بۆ به‌غدا و كۆبوونه‌وه‌ی له‌گه‌ڵ هه‌ریه‌ك له‌ عیرفان حه‌یالی، وه‌زیری به‌رگری و فه‌ریق روكن عوسمان غانمی، سوپاسالاری عێراق.

ئۆپه‌راسیۆنی چڵه‌ زه‌یتوون، 48 رۆژه‌ ده‌ستیپێكردووه‌ و تا ئێستاش به‌ هۆی بۆردومانه‌كانی سوپای توركیا، نزیكه‌ی 200 هاووڵاتی شه‌هید و زیاتر له‌ 600 كه‌سی دیكه‌ش برینداربوونه‌.

سه‌رچاوه‌: RT

ا. م