په‌یامێك له سه‌رۆك بارزانی-یه‌وه
.jpg)
K24 - هه‌ولێر:
سه‌رۆك مه‌سعود بارزانی، پەیامێکی پیرۆزبایی ئاراستەی یەکێتی لاوان کرد و دەستخۆشی لە ستافی پێشووی سکرتارییەتی یه‌كێتییه‌كه ده‌كات.
سه‌رۆك بارزانی، له په‌یامه‌كه‌یدا، كه له‌سه‌ر وێبسایتی فه‌رمی خۆی بڵاویكردووه‌ته‌وه، ئامۆژگاری یه‌كێتی لاوانی دیموكراتی كوردستان ده‌كات و ده‌ڵێت: "لەسەر ڕێبازی نەوەکانی پێشووی یەکێتیی لاوانی دیموکراتی کوردستان، وەک هەمیشە نموونەی باڵای کاری ڕێکخراوەیی و قوتابخانەی پێگەیاندنی کادیری چالاک و دڵسۆز بن و لەسەر ڕێبازی پاکی کوردایەتی و نیشتیمانپەروەری و دڵسۆزیی بۆ گەل و وڵات بەردەوام بن".
ده‌قی په‌یامه‌كه:
"بەڕێزان یەکێتیی لاوانی دیموکراتی کوردستان
سڵاو و ڕێز
بەبۆنەی کۆتاییهاتنی کارەکانی کۆنگرەی هەشتەم، "کۆنگرەی پێشمەرگە"، پیرۆزباییتان لێ دەکەم و هیوادارم لەهەموو بوارەکانی کاری داهاتوودا سەرکەوتوو و سەرفراز بن.
دەستخۆشیی لە ستافی پێشووی مەکتەبی سکرتارییەت دەکەم کە لە قۆناخێکی سەختدا زۆر دڵسۆزانە ئەرکەکانی خۆیان بەجێ هێنا و هیوادارم لە هەموو ئەرکێکدا بەوشێوەیە چالاک و سەرکەوتوو بن.
پیرۆزبایی لە ستافی نوێی هەڵبژێردراوی مەکتەبی سکرتاریەتی یەکێتییەکەتان دەکەم و ئامۆژگارییان دەکەم لەسەر ڕێبازی نەوەکانی پێشووی یەکێتیی لاوانی دیموکراتی کوردستان، وەک هەمیشە نموونەی باڵای کاری ڕێکخراوەیی و قوتابخانەی پێگەیاندنی کادیری چالاک و دڵسۆز بن و لەسەر ڕێبازی پاکی کوردایەتی و نیشتیمانپەروەری و دڵسۆزیی بۆ گەل و وڵات بەردەوام بن.
هەر شاد و سەرفراز بن
مسعود بارزانی
١٠ـی٨ـی٢٠١٨"