لايه‌نه براوه‌كانى هه‌ڵبژاردن گفتوگۆيان بۆ پێكهێنانى گه‌وره‌ترين كوتله‌ى په‌رله‌مانى ده‌ستپێكرده‌وه
K24 – هه‌ولێر:
گفتوگۆی ھاوپەیمانی سائيرون و لایەنە سیاسییەكانی عێراق بۆ پێكھێنانی گەورەترین كوتلەی پەرلەمانی و حكومەتی داھاتوو، بە چڕی دەستیانپێكردووەتەوە.
لەو چوارچێوەیەدا، ھاوپەیمانی سائيرون لەگەڵ نەسر، حیكمە، وەتەنییە و میحوەری نیشتمانی سوننەكان لەسەرپێكھێنانی گەورەترین كوتلەی پەرلەمانی رێككەوتن.
ھاوكات، نوری مالیكی سەرۆكی ھاوپەیمانی دەوڵەتی یاساش لەگەڵ سەرۆكی ھاوپەیمانی قەرار و بزوتنەوەی عەتا لەبارەی پێكھێنانی حكومەتی داھاتوو كۆبووەوە.
پرۆسه‌ى هه‌ڵبژاردنى گشتيى له عێراق رۆژى 12ى ئايارى رابردوو به‌ڕێوه‌چووه و سه‌ره‌ڕاى راگه‌ياندنى ئه‌نجامى ره‌سمى پرۆسه‌كه، تا ئێستا دادگاى ئيتيحادى ئه‌نجامه‌كانى په‌سند نه‌كردوون و چاوه‌ڕێ ده‌كرێت دواى په‌سندكردنى ئه‌نجامه‌كان له لايه‌ن دادگاوه، كوتله‌ى گه‌وره‌ى ئه‌نجوومه‌نى نوێنه‌ران راسپێردرێت بۆ پێكهێنانى حكومه‌تى نوێ.