ترەمپ و کیم کەوتوونەتە داوی خۆشەویستییەوە

K24 – هه‌ولێر:

رۆژانێک دۆناڵد ترەمپ، سەرۆکی ویلایەتە یەکگرتووەکانی ئەمەریکا، کیم جونگ ئون، سەرۆکی کۆریای باکووری بە "قەڵەو" و "پیاوی مووشەک" ناودەبرد، ئێستا دەڵێت نامەی جوان دەگۆڕینەوە و کەوتووینەتە داوی خۆشەویستی.

لە لێدوانێکیدا بۆ گردبوونەوەیەکی جەماوەریی لە ویلایەتی وێست ڤێرجینیا، ترەمپ رەخنەی لەو کەسانە گرت کە بەهۆی  رێککەوتنی لەگەڵ سەرۆکی کۆریا هێرشیانکردۆتە سەری و گووتی: "من هیچم لەدەستنەداوە، بەڵام سەیربکەن کۆریای باکوور دەستی لەچی هەڵگرتووە".

ترەمپ گووتیشی: "ئەو (کیم) نامەی بۆ دەنووسیم، نامەی جوان و مەزن ، دواتر ئێمە کەوتینە داوی خۆشەویستییەوە".

لە 12ی حوزەیرانی ئەمساڵ، ترەمپ و کیم لە سەنگاپوورە کۆبوونەوە و ئەو دیدارەشیان سەرەتایەک بوو بۆ باشترکردنی پەیوەندی هەردوولا.

سەرچاوە: گاردیان

H.J