عێراق به هاوكاری یه‌كێتی ئه‌وروپا ناوچه زیانلێكه‌وتووه‌كان ئاوه‌دان ده‌كاته‌وه
K24 - هه‌ولێر:
عێراق و یەكێتی ئەوروپا 3 رێككەوتننامە بە بەھای 72 ملیۆن یۆرۆ بۆ ئاوەدانكردنەوەی ناوچە زیانلێكەتووەكان واژۆدەكەن.
فوئاد حسێن وەزیری دارایی عێراق، كە بەوەكالەت وەزیری پلاندانانیشە رایگەیاند، عێراق و یەكێتی ئەوروپا 3 رێككەوتننامەیان بە بەھای 72 ملیۆن یۆرۆ بۆ ئاوەدانكردنەوەی ناوچە زیانلێكەتووەكانی شەڕی داعش واژۆكرد.
فوئاد حسێن گوتیشی:"رێككەوتننامەكان بواری كەرتی نەوتی و گەڕاندنەوەی ئاوارەكان و پاككردنەوەی ناوچەكان لە پاشماوەی مین و تەقەمەنییەكان دەگرێتەوە".
دوای تێكشكاندنی خه‌لافه‌ته‌كه‌ی داعش، چه‌ند ئاسته‌نگێك هاتوونه‌ته به‌رده‌م حكوومه‌تی عێراق، كه دیارترینیان گه‌ڕانه‌وه‌ی ئاواره‌كان، پاشماوه‌ی ته‌قه‌مه‌نییه‌كانی داعش و ئاوه‌دانكردنه‌وه‌ی ئه‌و ناوچانه‌ن كه به‌هۆی شه‌ڕه‌وه زیانییان به‌ركه‌وتووه.
سه‌رچاوه: شه‌فه‌ق نیوز
ئ. م