ناتانياهۆ: سوپاى توركيا منداڵ و ئافره‌تانى كورد سه‌رده‌بڕن
K24 – هه‌ولێر:
سه‌رۆك وه‌زيرانى ئيسرائيل، بنيامين ناتانياهۆ رايگه‌ياند، سوپاى توركيا رۆژانه منداڵ و ئافره‌تى كورد سه‌رده‌بڕێت. له به‌رامبه‌ريشدا سه‌رۆكى توركيا ره‌جه‌ب ته‌يب ئه‌ردۆغان وه‌ڵامى دايه‌وه و رايگه‌ياند، ئيسرائيل ژن و منداڵى فه‌له‌ستينى ده‌كوژێت و تيرۆرى ده‌وڵه‌ت له دژى فه‌له‌ستينييه‌كان به‌ڕێوه‌ده‌بات.
رەجەب تەیب ئەردۆغان، سەرۆک کۆماری تورکیا وەڵامی بنیامین ناتانیاهۆ سەرۆک وەزیرانی ئیسرائیلى دايه‌وه و گوتى: تورکیا شەڕی تیرۆر دەکات و ئیسرائیلیش ژن و منداڵانی فەڵەستینی دەکوژێت.
#عاجل | #أردوغان لـ #نتنياهو: طرقت الباب الخطأ، أردوغان هو صوت المظلومين أمّا أنت فإنك صوت الظالمين، وتمارس إرهاب الدولة
— ANADOLU AGENCY (AR) (@aa_arabic) December 23, 2018
دوێنێ بنیامین ناتانیاهۆ، سەرۆک وەزیرانی ئیسرائیل لە تویتێکدا ئاماژەی بەوەکردبوو کە ئەردۆغان باکووری قوبرسی داگیرکردووە و ژن و منداڵانی کوردیش لەناوخۆ و دەرەوەی تورکیا دەکوژێت، بۆیە ناتوانێت ئامۆژگاری ئیسرائیل بکات.
ناتانیاھۆ گوتيشى: ئەردۆغان دیکتاتۆرە و ژن و منداڵی کوردی سەربڕیوە و گرێی دەروونی بەرامبەر ئیسرائیل ھەیە و لەسایەی دەسەڵاتتدا رۆژ لە دوای رۆژ تورکیا بەرەوە دیکتاتۆریەت ھەنگاو دەنێ.
أردوغان الذي يحتل شمال قبرص وجيشه يذبح النساء والأطفال في القرى الكردية داخل تركيا وخارجها لن يعطينا دروسا في الأخلاق.
— بنيامين نتنياهو (@Israelipm_ar) December 22, 2018