رانیه‌.. به‌هۆی رووداوی هاتووچۆ له‌ شه‌وی سه‌ری ساڵدا سێ كه‌س گیانیان له‌ده‌ستدا

K24 - رانیه‌:

له‌ دوو رووداوی جیاوازی هاتووچۆ له‌ رانیه‌، له‌ شه‌وی سه‌ری ساڵدا سێ كه‌س گیانییان له‌ده‌ستدا و چوار كه‌سی دیكه‌ش بریندار بوون.

ئاراس ئه‌مین، په‌یامنێری كوردستان 24 له‌ راپه‌ڕین، رایگه‌یاند، له‌ رووداوێكی هاتووچۆ و وه‌رگه‌ڕانی ئۆتۆمبێلێ له‌ناو رانیه‌، گه‌نجێكی ته‌مه‌ن خوار 18 ساڵان گیانی له‌ده‌ستدا و چوار كه‌سی دیكه‌ش برینداربوون، كه‌ ئۆتۆمبێله‌كه‌یان وه‌رگه‌ڕاوه‌.

له‌ رووداوێكی دیكه‌شدا، دوو گه‌نجی رانیه‌ له‌ كاتی گه‌ڕانه‌وه‌یان له‌ سلێمانی، تووشی رووداوی هاتووچۆ بوونه‌ و هه‌ردووكیان گیانییان له‌ده‌ستداوه‌.

په‌یامنێری كوردستان 24 راشیگه‌یاند، حاڵه‌ته‌كان دوو رووداوی جیاواز بوونه‌ و له‌ هه‌ردوو رووداوه‌كه‌دا، 3 كه‌س گیانیان له‌ده‌ستدا و چوار كه‌سی دیكه‌ش برینداربوون.

ئاماژه‌ی به‌وه‌ش كرد، ته‌رمه‌كان ره‌وانه‌ی پزیشكی دادی كران و بریندارانیش به‌ مه‌به‌ستی چاره‌سه‌ركردن ره‌وانه‌ی نه‌خۆشخانه‌ كراون.

ئ. م