دیلۆیت راپۆرتی هەناردەی سێ مانگی نەوتی هەرێمی کوردستانی بڵاوکردەوە

K24 – هه‌ولێر:

لە چوارچێوەی پڕۆژەی وردبینیی سەربەخۆی كەرتی نەوت و گاز لە هەرێمی كوردستان، راپۆرتی پێنجەمی وردبینی و پشتڕاستكردنەوەی زانیارییەكان لەلایەن كۆمپانیای جیهانی دیلۆیتو بڵاو كرایەوە.

بە گوێرەی ئەو راپۆرتە، بڕی ھەناردەی نەوت بۆ دەرەوەی ھەرێمی كوردستان لە رێگەی بۆرییەوە لە ماوەی سێ مانگدا، 35 ملیۆن و 200 هەزار و 46 هەزار بەرمیل بووە.

ھەروەھا كۆمپانیای دیلویت ، تێكڕای نرخی نەوتی فروشراوی ھەرێمی كوردستان بۆ ھەر بەرمیلێك بە 63 دۆلار داناوە و كۆی داھاتی نەوتی خاوی فروشراو لە رێگەی بۆڕییەوە، بە دوو ملیار و 262 ملیون دۆلار داناوە.

هەر بە گوێرەی راپۆرتەکە، پوختەی داھاتی نەوتی فرۆشراوی لە رێگەی بۆرییەوە له‌ ماوه‌ی ئه‌و سێ مانگه‌دا، بە یەك ملیار و 288 ملیۆن دۆلار داناوە.