دوایین تەرمی خێزانە خنكاوەكەی زاخۆ دۆزرایەوە

K24 - زاخۆ

ئەمڕۆ دوایین تەرمی ئەو خێزانە دۆزرایەوە كە چەند رۆژێك لەمەوبەر لە زاخۆ لەناو روباری خابوو خنكان.

ئیسلام یوسف، پەیامنێری كوردستان24 لە زاخۆ رایگەیاند: "ئەمڕۆ تەرمی پێنجەم ئەندامی ئەو خێزانە دۆزرایەوە كە ھەینی رابردوو لە روباری خابوور خنكان".

گوتیشی: "ئەو تەرمەی ئەمڕۆ دۆزرایەوە باوكی منداڵەكانە كە پێشتر تەرمەكانیان لەگەڵ دایكیان دۆزرابووەوە".

رۆژی ھەینی رابردوو 28/6/2019 لە گوندی دوكەری سنووری زاخۆ، 6 ئەندامی خێزانێك كەوتنە نێو روباری خابوور كە پیاوێك و ھاوسەرەكەی و 3 منداڵەكانیان خنكان، تەنھا كچێكیان رزگار كرا.

ھ.م