په‌كه‌كه 2 سه‌ربازی توركیای كوشت
K24 - هه‌ولێر:
وەزارەتی بەرگری تورکیا کوژرانی دوو سەرباز و برینداربوونی هەشتی دیکەی لە باشوور و باکووری کوردستان راگەیاند.
وەزارەتی بەرگری تورکیا لە راگەیاندراوێکدا ئاماژەی بەوەکردووە "بەهۆی شەڕ و پێکدادانی هێزەکانیان لە دژی گەریلاکانی پەکەکە لە چیای خواکوڕک لەنێو خاکی عێراق، سەربازێکیان کوژراوە و شەشی دیکەش برینداربوون".
وەزارەتی بەرگری تورکیا ئاشکراشی کردووە کە "بەهۆی ئاراستەکردنی گولـلە ئاربیجییه‌ك لەلایەن گەریلاکانی پەکەکەوە بۆ بنکەیەکی سەربازی هێزەکانی سوپا لە شاری بەدلیسی باکووری کوردستان، ئەفسەرێک کوژراوە و دووی دیکە برینداربوون".