سەرۆك بارزانی پێشوازی لە ساڵح موتلەگ كرد

K24 - هه‌ولێر:

سه‌رۆك بارزانی، له‌گه‌ڵ ساڵح موتڵه‌گ، سه‌رۆكی به‌ره‌ی دیالۆگی عێراقی، له‌ كۆبوونه‌وه‌یه‌كدا پێشهاته‌ سیاسییه‌كانی عێراقییان تاووتوێ كرد.

به‌ گوێره‌ی وێبسایتی فه‌رمی سه‌رۆك بارزانی، ئه‌مڕۆ سێشەممە 27ـی 8ـی 2019 لە سەڵاحەددین سەرۆك مەسعود بارزانی پێشوازی لە ساڵح موتلەك سەرۆكی بەرەی دیالۆگی عێراق و شاندێكی یاوەری كرد كە پێكهاتبوو ژمارەیەك لە ئەندامانی مەكتەبی سیاسیی بەرەی دیالۆگی عێراق.

لە دیدارەكەدا كە فازڵ میرانی سكرتێری مەكتەبی سیاسیی پارتی دیموكراتی كوردستان ئامادەی بوو، بیروڕا لەبارەی دوایین گۆڕانكاری و پێشهاتە سیاسییەكان لەسەر ئاستی عێراق و ناوچەكە ئاڵوگۆڕ كرا و هەروەها ڕۆشناییش خرایە سەر ئەو ڕێگەچارە سیاسییانە كە دەبنە هۆی پێشڤەچوونی پڕۆسەی سیاسی و سەقامگیری و بنیاتنانی دەوڵەتی مەدەنی.

هەر لەو دیدارەدا جەخت لەسەر بەردەوامیی پەیوەندییەكانی نێوان هەردوولا و هەماهەنگیی سیاسی و پەرلەمانی كرایەوە.

ئ. م