به‌غدا ئه‌م نووسینگانه‌ی هه‌ڵوه‌شانده‌وه
K24 – هه‌ولێر:
ئه‌نجوومه‌نی نوێنه‌رانی عێراق به زۆرینه‌ی ده‌نگ نووسینگه‌كانی پشكێنه‌ری گشتیی له وه‌زاره‌ته‌كان هه‌ڵوه‌شانده‌وه.
ئه‌ندامی ئه‌نجوومه‌نی نوێنه‌رانی عێراق، زیاد جه‌نابیی رایگه‌یاند، له دانیشتنی رۆژی سێشه‌ممه 8ی تشرینی یه‌كه‌م/ ئۆكتۆبه‌ری 2019 ژماره‌یه‌ك بڕیار ده‌ركران، یه‌كێكیان هه‌ڵوه‌شاندنه‌وه‌ی نووسینگه‌ی پشكێنه‌ره گشتییه‌كان بوو.
له دانیشتنه‌كه‌ی دوێنێی ئه‌نجوومه‌نی نوێنه‌راندا ژماره‌یه‌ك بڕیاری دیكه ده‌رچوون له‌وانه:
هه‌ڵپه‌ساردنی كاری ئه‌نجوومه‌نی پارێزگاكان، به شه‌هید ناساندنی قوربانیانی خۆپیشاندانه‌كان و قه‌ره‌بووكردنه‌وه‌ی كه‌سوكاریان، پێدانی مووچه به هه‌ژاران، راگرتنی زیاده‌ڕۆییه‌كانی سه‌ر موڵكی ده‌وڵه‌ت، قه‌ره‌بووكردنه‌وه‌ی زیانلێكه‌وتووانی ئۆپراسیۆنه سه‌ربازییه‌كان و كرده‌وه تیرۆریستییه‌كان.