سیناتۆرێكی ئه‌مه‌ریكا بۆ تره‌مپ: ئه‌مڕۆ رۆژێكی ره‌شه
K24 – هه‌ولێر:
سیناتۆر بۆب مێنێندز، ره‌خنه‌ی توندی له هه‌ڵوێستی وڵاته‌كه‌ی سه‌باره‌ت به بێده‌نگی كۆشكی سپی له ئاست هێرشی توركیا بۆ سه‌ر هاوپه‌یمانه كورده‌كانی ئه‌مه‌ریكا گرت و رایگه‌یاند، ئه‌مڕۆ رۆژێكی ڕه‌شه.
سیناتۆر بۆب مێنێندز، له هه‌ژماری خۆی له تۆڕی كۆمه‌ڵایه‌تی تویته‌ر نووسیویه‌تی: سه‌ربازه ئه‌مه‌ریكییه‌كان بێ ماندووبوون له‌گه‌ڵ كورد راهێنان و شه‌ڕیان له‌دژی داعش كرد.
هه‌روه‌ها نووسیویه‌تی: ئێستا سه‌رۆك تره‌مپ هاوپه‌یمانه‌كانمان به‌جێده‌هێڵێت بۆئه‌وه‌ی له‌سه‌ر ده‌ستی سوپای توركیا بكوژرێن.
ئه‌وه‌شی نووسیوه: سه‌رۆك شه‌رمه‌زارییه‌كی گه‌وره‌ی هێناوه‌ته سه‌ر وڵاتمان.
كاتژمێر 04:00ی ئێواره‌ی 9ی ئۆكتۆبه‌ر، هێرشی ئاسمانی سوپای توركیا بۆ سه‌ر باكووری سووریا و خۆرهه‌ڵاتی فورات ده‌ستیپێكرد و له به‌رامبه‌ردا شه‌ڕڤانانی كورد دووپاتیده‌كه‌نه‌وه به‌رگری له ئیراده و خاك و ده‌سه‌ڵاته‌كه‌یان ده‌كه‌ن و رێگه ناده‌ن بكه‌وێته ده‌ست سوپای توركیا و میلیشیاكانی هاوپه‌یمانی.
BREAKING: Officially calling on @SecPompeo to immediately recuse himself from all Ukraine related-matters given his direct conflict of interest in the Trump-Zelensky scandal.
— Senator Bob Menendez (@SenatorMenendez) October 2, 2019
Read my letter to him? pic.twitter.com/h1hIMeQj31