ئەردۆغان جارێكی دیكە ھەڕەشە دەكات

K24 - ھەولێر

سەرۆك كۆماری توركیا لە نوێترین ھەڕەشەكانیدا رایدەگەیەنێت، ئەو بەڵێنانەی كە پێیاندراوە ئەگەر جێبەجێ نەكرێن ئۆپەراسیۆن دەست پێدەكەنەوە. دەشڵێت "ئەمانەی تورك ناناسن لە داھاتوودا دەیناسن".

رەجەب تەیب ئەردۆغان، گوتی: "ئەگەر ئەو بەڵێنانەی کە بە وڵاتەکەمان دراوە جێبەجێ نەکرێ ئەوا ھەروەکو پێشتریش چاوەڕێ ناکەین و لەگەڵ کۆتاییھاتنی کاتە دیارییکراوەکە، درێژە بە ئۆپەراسیۆنەکە دەدەین".

سەرکۆماری تورکیا راشیگەیاند: ''لە بەشێکی ناوچەی ئۆپەراسیۆنەکەماندا ھێزەکانی رژێمی لێیە کە رووسیا پارێزگارییان لێدەکات. لەگەڵ پوتین-دا بابەتەکە تاوتوێدەکەم. پێویستە چارەسەرێکی بۆ بدۆزینەوە''.

گوتیشی: "ھێزەکانی رژێم لە ناوچەکانی ئۆپەراسیۆن ھەمان دۆخ بۆ ئەوێش راستە؛ ببێت ئەوا دەبێت و ئەگەر نەبوو ئەوا بەردەوام دەبین لە جێبەجێکردنی پلانەکانمان".

ئەردۆغان، گوتی: "ئەوانەی گەلی تورک ناناسن، بەڵام لە داھاتوودا دەیناسن. یان بەڕێزەوە دەیناسن یان کە پەندەکانیان وەرگرت دەیناسن".

ھ.م