سەربازێکی تورکیا کوژرا و پێنجی دیکەش برینداربوون
K24 – ههولێر:
ئاژانسی ئەنادۆڵ لە زاری بەرپرسانی سەربازیی تورکیا بڵاویکردەوە، لە هێرشێکی هێزەکانی یەپەگە لە سەرێ کانی، سەربازێکی تورکیا کوژراوە و پێنجی دیکەش برینداربوون.
ئەمەش لە کاتێکدایە، هێزەکانی سووریای دیموکرات، هەسەدە دەڵێن، ئەوان تەنها بەرگری لە خۆیان دەکەن و دەستپێشخەری هێرشەکان نین.
لە 09/10/2019 تورکیا و میلیشیاکانی لە سووریا، هێرشیان بۆ سەر رۆژئاوای کوردستان دەستپێکرد و بەهۆیەوە تاکو ئێستاش جەنگ لە ناوچە سنوورییەکان بەردەوامە.
سەرەڕای ئەوەی دەیان کەس گیانیان لەدەستداوە، زیاد لە 300 هەزار کەسیش ئاوارەبوون و بەشێک لەو ئاوارانەش روویان لە هەرێمی کوردستان کردووە.
لە ئێستا بە رێککەوتنی رووسیا و تورکیا، ئاگربەست راگەیەندراوە و بەگوێرەی ئەو رێککەوتنە، هێزەکانی سووریای دیموکرات، هەسەدە، دەبێت لە ناوچەی ئارامی پێشنیازیکراو لە لایەن تورکیاوە بکشێنەوە.
H.J