دیمهشق دهرگا بۆ كۆمپانیاكانی رووسیا دهكاتهوه
K24 – ههولێر:
وهزیری دهرهوهی سووریا، وهلید موعهلیم، رایگهیاند، دیمهشق له دووباره بنیاتنانهوهی پهیوهندییه ئابوورییهكانی رهچاوی ههرهلهپێشی كۆمپانیاكانی رووسیا دهكات.
له میانی كۆبوونهوهی لهگهڵ وهزیری دهرهوهی رووسیا، سێرگی لاڤرۆڤ، وهزیری دهرهوهی سووریا گوتی: ئامانج له سهردانهكهم بۆ مۆسكۆ پهرهپێدانی زیاتری پهیوهندییه ئابوورییهكانی نێوان رووسیا و سووریایه.
ههروهها گوتی: پێویسته ئاستی پهیوهندی ئابووری رووسیا و سووریا بگاته ئاستی ئهو پهیوهندی و ههماههنگییه سیاسی و سهربازییهی له نێوان ههردوو وڵاتدا ههیه.
وهلید موعهلیم ئهوهشی گوت: بهشار ئهسهد فهرمانی دهركردووه، كه له دووباره ئاوهدانكردنهوهی سووریا بایهخی زیاتر به كۆمپانیاكانی رووسیا بدرێت و ئهوان هاوبهشی سهرهكی بن.