گوتهبێژی هاوپهیمانی دژی داعش: لهناوبردنی داعش به ساڵێك ناكرێت
K24 – ههولێر:
گوتەبێژی هاوپەیمانێتی نێودەوڵەتی دژی داعش رایگهیاند، لەم ساڵدا، هاوپەیمانێتییەکە مەشقی بە زیاتر لە 10 هەزار پێشمەرگە کردووە، کۆڵۆنێڵ مایڵز کەیگنز گوتەبێژی هاوپەیمانێتی نێودەوڵەتی دژی داعش تایبەت بە کوردستان24 گوتی: هێزەکانیان توانیویانە لە ئهمساڵدا زۆر شت بکەن، بەڵام لە ناوبردنی داعش کارێک نییە تەنها بە 12 مانگ بکرێت.
گوتیشی: بۆ ساڵی داهاتوو دەبێ هەماهەنگی زیاتر لە نێوان وەزارەتی بەرگری و هێزی پێشمەرگە هەبێت تا خانە نوستووەکانی داعش سوود لەو بۆشاییە وەرنەگرن کە درووستبووە.
گوتەبێژەکەی هاوپەیمانێتی بە ناوی هاوپەیمانێتییەکەوە پیرۆزبایی ساڵی نوێ و کریسمسی لە خەڵکی کوردستان کرد و گوتی: ئێمە میوانین لێرە، بەڵام کە لە دەچینەوە وڵاتی خۆمان چیرۆکی جوان و دڵخۆشکەر لەبارەی کوردەوە دەگێڕینەوە.