كاروانێكی دیكه‌ی هاوكاری سه‌ربازی ره‌وانه‌ی رۆژئاوای كوردستان كرا
K24 – هه‌ولێر:
هاوپه‌یمانی نێوده‌وڵه‌تی دژی داعش (130) بارهه‌ڵگر هاوكاری سه‌ربازی و لۆجستی گه‌یانده ناوچه‌كانی ژێر ده‌سه‌ڵاتی هێزه‌كانی سووریای دیموكرات(هه‌سه‌ده).
روانگه‌ی سووریا بۆ مافه‌كانی مرۆڤ بڵاویكرده‌وه، كاروانێكی هاوكاری سه‌ربازی و لۆجستی هاوپه‌یمانی نێوده‌وڵه‌تی دژی داعش گه‌یه‌ندراوه‌ته "دێرزوور".
گوتیشی: "هاوكارییه‌كان پێكهاتوون له ئۆتۆمبێلی هامه‌ر و تانكه‌ری سووته‌مه‌نی و ئۆتۆمبێلی دیكه‌ی سه‌ربازی و به‌شێكیان ره‌وانه‌ی قامشلۆ و به‌شێكی دیكه‌شیان ره‌وانه‌ی ناوچه‌كانی حه‌سه‌كه و دێرزوور كراون".