ئومێد خۆشناو: ههنگاوێكی گهورهمان ناوه
K24 – ههولێر:
ئومێد خۆشناو، سهرۆكی فراكسیۆنی پارتی له كۆنفرانسێكی رۆژنامهوانیدا، له دوای پهسهندكردنی پڕۆژه یاسایی چاكسازی رایگهیاند، كه ئهمڕۆ توانیان ههنگاوێكی گهوره بهاوێژین له چهساندنی چاكسازی له حوكمڕانیهتی ههرێمی كوردستان.
ئاشكراشیكرد، ئهمه یهكهم قۆناغه له پڕۆسهیهكی بهردهوام له ههرێمی كوردستان كه ئهویش پرۆسهی چاكسازیی و دادپهروهرییه له ههرێمی كوردستان.
لە كۆبوونەوەی ئەمڕۆی پەرلەمانی كوردستان، بە دەنگی 89 پەرلەمانتار پڕۆژەیاسای چاكسازیی پەسندكرا.
لە كۆبوونەوەكەدا ماددەكانی پڕۆژەیاسای چاكسازیی خوێندرایەوە و لەگەڵ ئەو پێشنیازانەی لەلایەن لیژنە پەیوەندیدارەكان خراونەتەڕوو، بۆ ئەوەی ماددەكان وەكخۆیان پەسند بكرێن یان پێشنیازەكان جێیان بگرنەوە، دواتر كۆی پڕۆژەیاساكە خرایە دەنگدان و بە زۆرینەی دەنگی پەرلەمانتاران پەسند كرا.
ھەر ئەمڕۆ و پێش دەستپێكردنی كۆبوونەوەی پەرلەمان لە كۆنگرەیەكی رۆژنامەوانیدا حكوومەتی ھەرێمی كوردستان لە زاری سەرۆكی دیوان و وتەبێژ و سكرتێری ئەنجوومەنی وەزیران، دڵنیایی دایە مووچەخۆران كە بەپێی پڕۆژەیاساكە ماف و مووچەی كەس نابڕدرێت، بەتایبەتی كەسوكاری شەھیدان و ئەنفالكراوان كە لە كۆبوونەوەی دوێنێی ئەنجوومەنی وەزیران بە سەرۆكایەتی مەسرور بارزانی سەرۆكی حكوومەتی ھەرێمی كوردستان جەختی لەسەر كرایەوە.
چاكسازی بەشێكی گرنگی كارنامەی كابینەی نۆیەمی حكوومەتی ھەرێمی كوردستانە و لە وتاری دەستبەكاربوونیدا مەسرور بارزانی، سەرۆكی حكوومەتی ھەرێمی كوردستان بەڵێنیدا كە چاكسازیی لە كارە لە پێشینەكانی حكوومەت بێت.