عێراق دووەم هاوردەکاری کاڵای ئێرانییە

K24 - ھەولێر

لە لیستی وڵاتانی ھاوردەكراوی كاڵای ئێرانی، عێراق لە پلەی دووەمدا دێت.

مەھدی میر ئەشرەفی،  بەرێوەبەری گشتی گومرگی ئێران رایگەیاند، ھەناردەی كاڵا و بەرھەم لە ئێران لە ماوەی 11 مانگی رابردوودا گەیشتووەتە 125 ملیۆن و 200 ھەزار تۆن، بە بەھایەك دەگاتە 38 ملیار و 500 ملیۆن دۆلار.

گوتیشی، عێراق دووەمین وڵاتە لە ریزبەندی وڵاتانی هاوردەکاری کاڵای ئێرانی.

ئەشرەفی، ئاماژەی بەوەشداوە، ھەناردە لە ئێران لەو ماوەیەدا بەرێژەی 17.6% گەشەی کردووە، بەڵام لەھەمان ماوەدا تەرازووی بازرگانی كورتھێنانێكی بەبڕی ملیارێك و 400 ملیۆن دۆلار تۆماركردووە.

بەرێوەبەری گشتی گومرگی ئێران  جەختیشیكردەوە چین، عێراق، توركیا، ئیمارات و ئەفغانستان لە ئەو وڵاتانەن کە کاڵای ئێرانی ھاوردەی وڵاتەکانیان دەکەن.

ھ.م