نزیكه‌ی 2600 سه‌ربازی ئه‌مه‌ریكا كه‌ره‌نتینه كراوون
K24 – هه‌ولێر:
وه‌زاره‌تی به‌رگری ئه‌مه‌ریكا، رایگه‌یاند، نزیكه‌ی 2600 سه‌ربازی ئه‌مه‌ریكی له ئه‌وروپا كه‌ره‌نتینه كراوون.
ئه‌مڕۆ هه‌ینی له به‌یاننامه‌یه‌كدا، وه‌زاره‌تی به‌رگری ئه‌مه‌ریكا، راشیگه‌یاند، ئه‌و 2600 كه‌سه، كادیر و سه‌ربازی ئه‌مه‌ریكین و له ئه‌وروپا سه‌رقاڵی جێبه‌جێكردنی ئه‌ركه‌كانیانن و به هۆی گومانی تووشبوونیان به كۆرۆنا كه‌ره‌نتینه كراوون.
روونیشیكرده‌وه، سه‌رجه‌م ئه‌و سه‌رباز و كادیره سه‌ربازییانه پشكنینی پێویستیان بۆ ده‌كرێت.
ئاشكراشیكردووه، تا ئه‌مڕۆ 35 سه‌رباز و كادیریان له ئه‌وروپا تووشی كۆرۆنا بوونه.