سەرپەرشتیارێكی کارگەی شیشی ماس لە بازیان بەهۆی تەقینەوەیەک گیانی لەدەستدا

K24 – سلێمانی:

هەرێم جاف، پەیامنێری کوردستان24ـی لە گەرمیان رایگەیاند، بەهۆی تەقینەوەیەک لە بەشی سکرابی کارگەی شیشی ماس لە ناحیەی بازیان سەرپەرشتیارێک گیانی لەدەستداوە.

راشیگەیاند، سەرپەرشتیارەکە لە بەشی تەقەمەنی کاری کردووە و ناوی عەبدولکەریم عەبدولسەمەدە، خەڵکی شاری کەرکووکە.

روونیشکردەوە، سەرەتا عەبدولکەریم بەسەختی برینداربووە، بەڵام بەهۆی سەختی برینەکەیەوە دوای چەند خولەکێک گیانی لەدەستداوە.

H.J