زانیاری نوێ لەبارەی گرژییەکانی بەغدا
K24- بەغدا:
دژە تیرۆر و دەزکای هەوڵگری عێراقی لە ئۆپراسیۆنێکدا چوونە سەر گوندی بوعێسیە لە ناوچەی دۆرە و یەکەیەکی کەتائیب حزبوڵڵا دەستگیرکرد کە 75 چەکدار بوون و سەرقاڵی دانانی سەکۆی کاتیۆشە هاویشتن بوون بۆ سەر باڵوێزخانەی ئەمەریکا و فڕۆکەخانەی بەغدا.
پەیامنێری کوردستان24 لە بەغدا رایگەیاند، دوای ئەو رووداوە بە نیو کاتژمێر، 300 چەکداری حزبوڵڵا بە فەرمانی ئەبوو فدالک، سەرکردەی حزبوڵڵا، بە شۆفڵ بەربەستەکانی خەزڕایان لابرد و هێرشی کردە سەر بارەگای بارەگای دەزگای هەواڵگری و چەند پاسەوانێکیان دەستگیرکرد، هەروەها چوون ەسەر ماڵەکەی موستەفا کازمی، سەرۆک وەزیرانی عێراق، بەڵام کازمی 15 رۆژە ئەو ماڵەی چۆڵکردووە.
دواتر نووری مالیکی کەوتە نێوەندگیریی و لەگەڵ هادی عامری و فالح فەیاز کۆبووەوە و بە تەلەفۆن لەگەڵ کازمی قسەیان کرد. هەردوولا رێککەوتن دەستگیرکراوەکان ئازاد بکەن و کۆتایی بە گرژیەکان بهێنن.
تا ئێستا 23 چەکدار و سێ فەرماندەی حزبوڵڵا ئازاد نەکراون و حزبوڵڵا و لایەنگرانیان هەڕەشە دەکەن و دەڵێن کە ئەو ئۆپراسیۆنە بە چاودێری ئەمەریکیەکان ئەنجامدراوە.
#مجاهدينا_خط_احمر_ياكاظمي
— احمد البغدادي (@gggiwu) June 26, 2020
الاسود حشد وحشود pic.twitter.com/lq5BI5XxhH
کاروانی ئۆتۆمبێلەکانی حەشدی شەعبی لە بەغدا