نێچیرڤان بارزانی و جه‌واد زه‌ریف پرسه‌كانی نێوان هه‌ولێر و تاران تاوتوێ ده‌كه‌ن
K24 – هه‌ولێر:
سه‌رۆكی هه‌رێمی كوردستان، نێچیرڤان بارزانی پێشوازی له وه‌زیری ده‌ره‌وه‌ی كۆماری ئیسلامی ئێران، محه‌ممه‌د جه‌واد زه‌ریف و شاندی یاوه‌ری كرد.
له یه‌كه‌م وێستگه‌ی سه‌ردانه‌كه‌یدا، بۆ هه‌ولێر، محه‌ممه‌د جه‌واد زه‌ریف له‌گه‌ڵ سه‌رۆكی هه‌رێمی كوردستان كۆبوه‌وه و هه‌ردوولا پرسه جێبایه‌خه‌كانی نێوانیان تاوتوێكرد.
وه‌زیری ده‌ره‌وه‌ی كۆماری ئیسلامی ئێران، ئه‌مڕۆ به سه‌ردانێك گه‌یشته به‌غدا و له‌گه‌ڵ سه‌رۆك كۆماری عێراقی فیدراڵ، به‌رهه‌م ئه‌حمه‌د ساڵح و سه‌رۆك وه‌زیرانی عێراق، مسته‌فا كازمی و وه‌زیری ده‌ره‌وه‌ی عێراق، فوئاد حوسێن كۆبووه‌وه.
ئێواره‌ی ئه‌مڕۆ زه‌ریف گه‌یشته هه‌ولێر و له فڕۆكه‌خانه، له لایه‌ن جه‌عفه‌ر شێخ مسته‌فا، جێگری سه‌رۆكی هه‌رێمی كوردستان و سه‌فین دزه‌یی به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی هه‌رێمی كوردستان پێشوازی لێكرا.
بڕیاره دوای كۆبوونه‌وه‌ی له‌گه‌ڵ سه‌رۆكی هه‌رێمی كوردستان، محه‌ممه‌د جه‌واد زه‌ریف له‌گه‌ڵ هه‌ریه‌ك له سه‌رۆك مه‌سعود بارزانی و سه‌رۆكی حكومه‌تی هه‌رێمی كوردستان، مه‌سرور بارزانی كۆببێته‌وه.