بە دەنگی 70 پهرلهمانتار پیشنیازی یاسای ماف و ئەرکی نەخۆش پەسەند کرا
K24- ههولێر:
پهرلهمانی كوردستان پیشنیازی یاسای ماف و ئەرکی نەخۆش بە دەنگی 70 ئەندامی پەرلەمان پەسەند کرا و بەپێ ماددەکانی ئەم یاسایە ئەنجوومەنی وەزیران لیژنەیەکی هەمیشەیی بۆ لێکوڵینەوەی هەڵە پزیشکیەکان پێكدەهێنێت، بڕیارە دوای پەسەندکردنی ئەنجوومەنی وەزیران و وەزارەتی تەندروستی رێنمای بۆ جێبەجێکردنی یاساکە دەربکات، لیژنەی تەندروستی پرۆژەیەکی دیکەشی بۆ ماف و ئەرکی کارمەندانی تەندروستی ئامادە کردووە.
ئەم یاسایە لە 14 ماددە پێكهاتووە بۆ پەسەندکردنی دەنێرێتە سەرۆکایەتی هەرێمی کوردستان و دواتر ئەنجوومەنی وەزیران رێکار بۆ جێبەجێکردنی دەردەکات.
لە دوای خستنە بواری جێبەجێکردنی یاساکە ئەنجوومەنی وەزیران لیژنەیەکی هەمیشەیی بۆ لێکوڵینەوە لە کاتی هەڵەی پزشکی پێك دەهێنێت و هاووڵاتیان لە رێگەی ئەم لیژنەیەوە سکاڵا تۆمار دەکەن.
ناوهڕۆكی یاساكه له چوارچێوهی ئەرك و مافی نەخۆش جیاکراوەتەوە، دەبێت نەخۆش بەپێ یاسا مافەکانی لە بواری تەندروستی گشتی پێشکەش بکرێت و ئەرکەکانیشی لە چوارچێوەی پاراستن و رێزگرتنی کارمەندانی تەندروستی دیاریکراوە، لهمبارهشهوه شایان عەسکەری، جێگری سەرۆکی لیژنەی تەندروستی ئەم یاسایە بە گرنگ دەزانێت و ئاشكرایدهكات: بۆ کارمەندانی تەندروستیش پرۆژەیەك ئامادەیە.
هەرێمی کوردستان بەهۆی نەبوونی ئەم یاسایەوە کاری بە یاسای عێراقی دەکرد، کە ئەمە کێشە بوو لە نیوان نەخۆش و کارمەندانی تەندروستیشدا بە تایبەت لە حاڵەتی هەڵە پزیشکیەکان، بەپێی ئەم یاسایە کێشهكان چارەسەر دەکرێن و دەبێت لە ماوەی کەمتر لە 60 رۆژدا ئەنجامی لێکوڵینەوە لە سکاڵای هاووڵاتیان یەکلایی بکرێتەوە.
H.B