ئۆپراسیۆنه‌كانی به‌غدا ده‌ستی به‌سه‌ر ژماره‌یه‌ك مووشه‌كدا گرت
K24 – هه‌ولێر:
فه‌رمانده‌یی ئۆپراسیۆنه‌كانی به‌غدا، ئێواره‌ی ئه‌مڕۆ رایگه‌یاند، له ناوچه‌یه‌كی قه‌زای تارمییه‌ی باكووری به‌غدا، ده‌ستیانگرتووه به‌سه‌ر بڕێكی زۆر كه‌رسته‌ی ته‌قینه‌وه و مووشه‌كدا.
له راگه‌یه‌ندراوێكی میدیاییدا، فه‌رمانده‌ییه‌كه روونیكردووه‌ته‌وه، هێزێكی سه‌ر به فه‌رمانده‌یی ئۆپراسیۆنه‌كانی به‌غدا كه پێكهاتبوو له یه‌كه‌یه‌كی سه‌ر به لیوای 59ی فیرقه‌ی شه‌شه‌می پیاده توانیان ده‌ست به‌سه‌ر كۆگایه‌كی چه‌ك و ته‌قه‌مه‌نی حه‌شاردراودا بگرن.
ئاماژه‌ی به‌وه‌شدا، ژماره‌یه‌ك مووچه‌كی دژه تانك و كاتیۆشا ده‌ستیان به‌سه‌ردا گیراوه.