کونسوڵخانەی ئەمەریکا و بەریتانیا بۆ گیان لەدەستدانی فرسەت سۆفی: هاوخەمتانین

K24 - هەولێر

هەریەک لە کونسوڵخانەی ئەمەریکا و بەریتانیا هاوخەمی دەردەبڕن بۆ گیان لەدەستدانی فرسەت سۆفی، پارێزگاری هەولێر بە ڤایرۆسی کۆرۆنا.

فرسەت سۆفی، 41ـەمین پارێزگاری هەولێر بەرەبەیانیی ئەمڕۆ (چوارشەممە، 18-11-2020) دوای 30 رۆژ لە تووشبوونی بە پەتای کۆرۆنا، لەتەمەنی 42 ساڵیدا گیانی لەدەستدا.

کونسوڵخانەی ئەمەریکا لە تویتێکدا دەڵێ "هەموومان لە کونسوڵخانەی گشتیی ئەمەریکا لە هەولێر، سەرەخۆشی دەکەین بەهۆی کۆچی دوایی د. فرسەت سۆفی، پارێزگاری هەولێر، هاوخەمی خێزانەکەی، هاوڕێکانی و خەڵکی کوردستانی عێراقین بەو بۆنەوەیەوە''.

هەروەها کونسوڵخانەی بەریتانیا لە دوو تویتدا بە زمانی کوردی و ئینگلیزی نووسیویەتی "زۆر بەداخەوەین بە بیستنی ھەواڵی کۆچی دوایی د. فەرسەت سۆفی، پارێزگاری ھەولێر. سەرەخۆشی و ھاوخەمی خۆمان بۆ خانەوادەکەی و ھاووڵاتیانی ھەرێمی کوردستان دەردەبڕین".

All of us at the U.S. Consulate General #Erbil offer our sincerest condolences on the passing of Erbil Governor Dr. Farsat Sofi. We share our sympathies with his family, friends and people of the IKR. pic.twitter.com/Ur0sSYWoaN

— U.S. Consulate General Erbil (@USConGenErbil) November 18, 2020

زۆر بەداخەوەین بە بیستنی ھەواڵی کۆچی دووایی د. فەرسەت سۆفی، پارێزگاری ھەولێر. سەرەخۆشی و ھاوخەمی خۆمان بۆ خانەوادەکەی و ھاووڵاتیانی ھەرێمی کوردستان دەردەبڕین. pic.twitter.com/KpO0ILjM5S

— UK in Erbil (@ukinerbil) November 18, 2020

هـ.ر.