چوار کەسی دیکە لە هەرێمی کوردستان بە کۆرۆنا گیانیان لەدەستدا
K24 - هەولێر
وەزارەتی تەندروستیی حکومەتی هەرێمی کوردستان، ئامارەکانی تایبەت بە ڤایرۆسی کۆرۆنای بڵاوکردەوە، بەپێی ئامارەکە چوار کەسی دیکە لە هەرێمی کوردستان بەو ڤایرۆسە گیانیان لەدەستداوە لەماوەی 24 کاتژمێری رابردوودا.
بەو چوار کەسەوە، کۆی ژمارەی ئەوانەی لەسەرەتای بڵاوبوونەوەی پەتای کۆرۆنا لە کوردستان بەو پەتایە گیانیان لەدەستداوە، گەیشە سێ هەزار و 431 کەس.
داتاکانی ئەمڕۆ (پێنجشەممە، 14-1-2021)ـی وەزارەتی تەندروستی نیشانی دەدەن، ژمارەی چاکبووان لە کۆرۆنا لە 24 کاتژمێری رابردوو، زیاتر لە 14 هێندەی تووشبوونە بەو پەتایە.
هـ.ر.