سیاسی

بەهۆی کەوتنەخوارەوەی تابلۆیەکی ڕیکلام لە مۆمبای 12 کەس مردن

جیهان هندستان پۆلیسی بۆمبای

K24 - هەولێر

کەوتنەخوارەوەی تابلۆیەکی ڕیکلام بەهۆی زریانێکی بەهێز لە شاری مۆمبای هیندستان، 12 کەس گیانیان لەدەستدا و 60 کەسی دیکەش برینداربوون.

گاوراڤ چاوهان، پشکنەر لە دەسەڵاتی بەڕێوەبردنی کارەساتی نیشتمانی ڕایگەیاند، تابلۆکە بەهۆی با لە نزیک بەنزینخانەیەک لە ڕۆژهەڵاتی شارەکە کەوتووەتە خوارەوە و کەوتنەخوارەوەکەشی بووەتە هۆی ئەوەی دەیان کەس لە ژێرییەوە گیربخۆن  بمرن و برینداربن.

ئاماژەی بەوەشکرد، تیمەکانی ئەمبولانس تەرمی هەشت کەسیان لە ژێر داروپەردوو دەرهێناوە، تەرمی چوار دیکەش هێشتا دەرنەهێنراوە.

ئەو پشکنەرە گوتیشی: "ئێمە شوێنی گیان لەستداوەکانمان دۆزیوەتەوە، بەڵام بەهۆی بەنزینخانەکەوە ناتوانین دەریانبهێنین، چونکە ڕەنگە دۆخەکە مەترسیدار بێت".

لای خۆیەوە شارەوانی شارەکە پێشتر ڕایگەیاند، تیمەکانی ئەمبولانس 60 کەسیان ڕزگار کردووە و بۆ چارەسەرکردن ڕەوانەی نەخۆشخانە کراون.

هەروەها لای خۆیەوە پۆلیسی مومبای لەسەر پلاتفۆرمی "X" ئاشکرای کرد، تابلۆکە زەبەلاحە، درێژییەکەی 70 مەتر و پانییەکەی 50 مەتر دەبێت.

 

لاڤین عومەر ,
Fly Erbil Advertisment