کوردستان24 بنکەکانی تۆماری بایۆمەتری بڵاو دەکاتەوە

K24 – هەولێر:

بۆ تەواوکردنی پرۆسەی تۆمارکردنی بایۆمەتری خانەنشینانی هەرێمی کوردستان و چارەکردنی کێشەکانی لیستی مووچە، وەزارەتی دارایی و ئابووریی حکوومەتی هەرێمی کوردستان چەند بنکەیەکی بۆ تۆماری بایۆمەتری کردووەتەوە.

بەپێی زانیارییەکانی کوردستان24، وەزارەتی دارایی و ئابووریی حکوومەتی هەرێمی کوردستان لە سەنتەری پارێزگا و ئیدارە سەربەخۆ و زۆربەی قەزاکانی هەرێمی کوردستان، بنکەی بۆ تۆمارکردنی بایۆمەتری مووچەخۆران ئامادەکردووە.

ئەمەش لە کاتێکدایە، ئەمڕۆ دووشەممە 26ـی ئابی 2024، بەڕێوەبەرایەتیی خانەنشینی وەزارەتی دارایی و ئابووری لە ڕاگەیەندراوێکدا ڕایگەیاند، هەر خانەنشینێک بایۆمەتری نەکردووە، لە ماوەی دوو هەفتەدا خۆی لە بایۆ مەتری تۆمار بکات.

لە ڕاگەیەندراوەکە ئاماژەی بەوەشکردووە: هەر خانەنشینێك بایۆمەتری كردووە و نەیگەڕاندووەتەوە، پێویستە لە ماوەی دوو هەفتەدا بایۆمەترییەكەی بگەڕێنێتەوە بۆ فەرمانگەی خانەنشینیی پەیوەندیدار.

هەروەها جەختیشی کردووەتەوە، هەر خانەنشینێك لەماوەی دوو هەفتەدا بایۆمەتری نەكردبێت و نەیگەڕێنێتەوە بۆ فەرمانگەی خانەنشینیی پەیوەندیدار، بەپێچەوانەوە مووچەكەی ڕادەگیرێت.

بنکەکانی تۆماری بایۆمەتری لە سنووری پارێزگای هەولێر

بانکی فیدراڵ – هەولێر/ شەقامی 30 مەتری بەرانبەر قوتابخانەی جمهوری

بانکی بێخاڵ – هەولێر / ئیسکان ناو شوقەکانی ئیسکان

بانکی حەمرین – هەولێر - کەسنەزان تەنیشت بلو سەنتەر

بانکی عەنکاوە - هەولێر / عەنکاوە پشت هۆتێل رۆیال

بانکی بەحرکە - هەولێر / بەحرکە تەنیشت ناحیە

بانکی ئازادی – سۆران / شەقامی شارەوانی

بانکی باواجی – کۆیە / سەنتەری کۆیە

بانکی سۆرک – شەقڵاوە / بەرانبەر مزگەوتی گەورەی شەقڵاوە

بانکی مێرگەسۆر – مێرگەسۆر / نزیک وێستگەی کارەبا

بانکی گوڵان – قەزای خەبات / تەنیشت قایمقامییەت

بنکەکانی تۆماری بایۆمەتری لە سنووری پارێزگای سلێمانی

بانکی باخان – سلێمانی / گەڕەکی کوردسات بەرانبەر ڕادیۆ نەوا

بانکی مەڵکەندی – سلێمانی / دوو سایدی کارێزەوشک نزیک پردی کۆبانی، باڵەخانەی بەڕێوەبەرایەتی خانەنشینی سلێمانی

بانکی بابان – سلێمانی / کۆتای شەقامی سالم

بانکی تووی مەلیک – سلێمانی / پشت ئاسایشی گشتی نزیک پارکی دایک

بانکی تانجەڕۆ – سلێمانی / بازنەی مەلیک مەحموود بەرانبەر گەڕەکی چوارچرا

بانکی هەڵەبجە – هەڵەبجە / ناو بازاڕ

بانکی ڕانیە – ڕانیە / ناو بازاڕ

بانکی گەرمیان – کەلار / بەرامبەر قایمقامییەت

بانکی چەمچەماڵ – چەمچەماڵ / نزیک قایمقامییەت

بانکی سەیدسادق – سەیدسادق / ناو بازاڕ

بنکەکانی تۆماری بایۆمەتری لە سنووری پارێزگای دهۆک

پارێزگای دهۆک – سەنتەری شار / ناو باڵەخانەی پارێزگا

بانکی ماڵتا – دهۆک / بەرانبەر بەڕێوەبەرایەتی بەرگریی شارستانی دهۆک

بانکی خابیر –زاخۆ / نزیک مزگەوتی قدووس

بانکی پێرس – ئاکرێ / نزیک قایمقامییەت

بانکی سۆلاڤ – ئامێدی / نزیک قایمقامییەت