کەشناسیی هەرێم: پلەکانی گەرما کەمێک بەرز دەبنەوە

بەڕێوەبەرایەتیی گشتیی کەشناسیی و بوومەلەرزەزانیی هەرێمی کوردستان، کەشى پێشبینیکراوى 48 کاتژمێرى داهاتووی بڵاو کردەوە و ڕایگەیاند، ئەگەری خۆڵبارین هەیە.

کەشناسیی هەرێم ڕایگەیاند، پێشبینی دەکرێت کەشی ئەمڕۆ سێشەممە، 27-5-2025، ئاسمان ساماڵ و پەڵە هەور بێت، بەڵام لە سنوورى پارێزگاى دهۆک و ناوچە سنوورییەکان نیمچە هەور دەبێت، هەروەها پلەکانی گەرما بەراوورد بە تۆمارەکانی دوێنی بەرز دەبنەوە. 

ئاماژەی بەوەش کرد، پێشبینی دەکرێت، کەشی سبەینێ چوارشەممە، 28-5-2025، ئاسمان ساماڵ و پەڵە هەور بێت، بەڵام لە ئێوارە و شەودا ئەگەرى خۆڵبارینێکی کەم هەیە لە بەشێک لە ناوچە جیاجیاکان. هەروەها پلەکانی گەرما کەمێک بەرزتر دەبنەوە بەراوورد بە تۆمارکراوەکانی ئەمرۆ.

بەرزترین پلەکانی گەرمای پێشبینیکراو بە پلەی سیلیزی 

هەولێر : 39 پلەی سیلیزی

سلێمانی : 37 پلەی سیلیزی

دهۆک : 38 پلەی سیلیزی

کەرکوک : 43 پلەی سیلیزی 

زاخۆ : 39 پلەی سیلیزی

هەڵەبجە :38 پلەی سیلیزی

سۆران : 36 پلەی سیلیزی

حاجی ئۆمەران : 25 پلەی سیلیزی

گەرمیان :43 پلەی سیلیزی