سەرۆک وەزیران بڕیارێکی لە بەرژەوەندیی فەرمانبەرانی زیندانیکراو و گیراوانی سیاسی دا

فەرمانگەی میدیا و زانیاری حکوومەتی هەرێمی کوردستان بڵاویکردەوە، سەرۆک وەزیران، مەسرور بارزانی بڕیارێکی لە بەرژەوەندی فەرمانبەرانی زیندانیکراو و گیراوانی سیاسی دەرکرد.

فەرمانگەی میدیا و زانیاری ئاماژەی بەوەش دا، بە نووسراوی ژمارە (9804)ـی دیوانی ئەنجوومەنی وەزیران، مەسرور بارزانی، سەرۆکی حکوومەتی هەرێمی کوردستان، ڕەزامەندی دا لەسەر کارکردن و بەردەوامبوونی ئەو فەرمانبەرانەی زیندانیکراو و گیراوی سیاسین دا تاکوو تەواوکردنی تەمەنی 65 ساڵی.

ڕوونیشی کردەوە، بڕیارەکە، سەرجەم زیندانیکراو و گیراوانی سیاسی لە وەجبەکانی 9 تا 15ـی ڕاژە دەگرێتەوە و مووچەی بەردەوامبوونیان لە ڕاژە لەسەر بودجەی وەزارەتەکانیان بۆ خەرج دەکرێت.