رێكخراوی لێبوردنی نێودهوڵهتی رەخنەی توند لە حکومەتی عێراق دەگرێت
K24- ههولێر:
رێكخراوی لێبوردنی نێودهوڵهتی "ئەمنێستی ئینتەرناشناڵ" رەخنەی توند لە حکومەتی عێراق دەگرێت و رایدەگەێنێت: تۆڵەسەندنەوە هیچکات دادپەروەری بەدی ناهێنێت.
له تویتێكدا له ههژماری تایبهتی خۆی له تۆڕی تویتهر، رێکخراوی لێبوردنی نێودەوڵەتی داوا لە حكومهتی عێراق دەکات، بەشێوەیەکی شەفاف و دادپەروەرانە و بەگوێرەی یاسا نێودەوڵەتیەکان تۆمەتبارانی تەقینەوەکانی گۆرەپانی تەیەران و سەلاحەدین دادگایی بكات.
ئەمنێستی ئینتەرناشناڵ دەڵێت: هیوادارین ئەو بەڵێنانەی سەرۆك وەزیرانی عێراق بۆ دادگاییکردنی تاوانباران داویهتی وهك خۆیان جێبهجێ بكرێن و پشتگوێ نەخرێن.
رێکخراوی لێبوردنی نێودەوڵەتی داوا لە سەرۆك وەزیرانی عێراق دەکات، وەك دادگاییكردنەکانی پێشتر بەگیانی تۆڵەسەندووە کار نەکرێت، و بەشێوەیەکی دادپەروەرانە تاوانباران بە سزای یاسایی خۆیان بگەیهنرێن.
H.B