گرافیک.. پڕۆژەکانی وەزارەتی شارەوانی
K24 – هەولێر
وەزارەتی شارەوانی و گەشتوگوزاری حکومەتی هەرێمی کوردستان رایگەیاند، 823 پڕۆژەی جۆراوجۆر، بە گوژمەی پێنج ترلیۆن دینار دەچنە بواری جێبەجێکردنەوە.
بەشێک لە پڕۆژەکان لە کابینەکانی رابردوو تەواو نەکراون و زۆرینەشیان لە کابینەی نۆیەمی حکومەتی هەرێمی کوردستان بڕیاریان لێدراوە، کە زۆربەیان پڕۆژەی ستراتیژین.
پڕۆژەکان بەسەر چەند سێکتەرێک دابەشکراون، لە سێکتەری شارەوانی 469 پڕۆژەن، بە بڕی 2 ترلیۆن و 130 ملیار دینار پڕۆژەکان جێبەجێ دەکرێن. هەروەها 279 پڕۆژە لە سێکتەری ئاو و ئاوەڕۆ گوژمەکەیان دوو ترلیۆن و 887 ملیار دینارە.
سێکتەرێکی دیکە گەشتوگوزارە، کە 39 ملیار دیناری بۆ تەرخانکراوە و ژمارەی پڕۆژەکان 57 پڕۆژەیە.