ئۆکرانیا بە رێژەی لە سەدا 25 بەهای دراوەکەی دابەزاند
K24 - هەولێر:
بانکی ناوەندی ئۆکرانیا رایگەیاند، بەهای دراوی نیشتمانیان کە ناوی هێرڤینایە بە رێژەی سەدا 25 بەرامبەر بە دۆلاری ئەمریکی دابەزاند.
بانکی ناوەندی ئۆکرانیا هۆکاری ئەو دابەزاندنەشی بۆ جەنگی وڵاتەکەی لەگەڵ رووسیا گەڕاندەوە کە کاریگەری راستەوخۆی کردووەتە سەر ئابووری ئۆکرانیا.
بانکی ناوەندی ئۆکرانیا لە راگەیەندراوێدا ئاماژەی بەوەدا، ئەو رێوشوێنانە توانای رکابەرایەتی لە نێو بەرهەمهێنەرە ناوخۆییەکان دروستدەکات و پاڵپشتی لە سەقامگیری وڵات لە دۆخی جەنگدا دەکات، گووتیشی بەهای دراوی ناوخۆ بەرامبەر دۆلارێ بۆ 36.25 هێرڤینا دابەزی، لە کاتێکدا لە مامەڵەکانی رابردووی دۆلارێک بە 29.25 هێرڤینا مامەڵەی پێوەدەکرا.