واشنتن پشتیوانی خۆی بۆ هێزی پێشمه‌رگه دووپاتكرده‌وه
K24 - هه‌ولێر:
وه‌زیری پێشمه‌رگه رایده‌گه‌یه‌نێت، له‌باره‌ی یاداشتنامەی لێکتێگەیشتنی نێوان وەزارەتی بەرگری ئەمەریکا و وەزارەتی پێشمەرگە، له‌گه‌ڵ فەرماندەیی گشتی هێزەکانی هاوپەیمانان لە عێراق و سووریا، گفتوگۆمانكرد.
ئه‌مڕۆ 16ـی تشرینی یه‌كه‌م/ ئۆكتۆبه‌ری 2022، شۆڕش ئیسماعیل وه‌زیری پێشمه‌رگه‌ی حكومه‌تی هه‌رێمی كوردستان، له هه‌ژماری تایبه‌تی خۆی له تۆڕی كۆمه‌ڵایه‌تی فه‌یسبووك نووسیوویه‌تی: "لەمیانی کۆبوونەوەم له‌گه‌ڵ ژەنەڕاڵ ماتیو ماکفارلان، فەرماندەی گشتی هێزەکانی هاوپەیمانان لە عێراق و سووریا، تاووتوێی پرۆسەی چاکسازی لە وەزارەتی پێشمەرگەم كرد و جه‌ختیشمان له هه‌نگاونان بۆ چاكسازی و رێكخستنه‌وه‌ی هێزه‌كانی پێشمه‌رگه كرده‌وه.
له به‌شێكی دیكه‌ی په‌یامه‌كه‌ی وه‌زیری پێشمه‌رگه‌دا هاتووه: "له‌بارەی یاداشتنامەی لێکتێگەیشتنی نێوان وەزارەتی بەرگری ئەمەریکا و وەزارەتی پێشمەرگەی حكومه‌تی هه‌رێمی كوردستان، گفتوگۆمانكرد، بۆ رووبەرووبوونەوەی تیرۆریستانی داعش لە ناوچەکە و هەموو ئەو مەترسییانەی کە رووبەرووی هەرێمەکەمانیش دەبێتەوە، سوپاسی گەل و حکومەتی ئەمه‌ریکام کرد".
لەلایه‌ن خۆیەوە ژەنەڕاڵ ماتیو، پاڵپشتی و پشتیوانی هێزەکانی هاوپەیمانانی بۆ وەزارەتی پێشمەرگە دووپاتکردەوە.
