گەشتوگوزاری سلێمانی: لە رۆژانی جەژن هەموو ناوچە گەشتیارییەکان کراوە دەبن
K24 - سلێمانی
وتەبێژی بەرێوەبەرایەتی گەشتوگوزاری سلێمانی رایگەیاند، لە هەرسێ رۆژی جەژنی رەمەزانی پیرۆزدا سەرجەم ناوچە گەشتیاری و شوێنە گەشتیارییەکان و رێستۆرانت و کافتریاکان کراوەدەبن.
ئارام شوانی وتەبێژی گەشتوگوزاری سلێمانی لە لێدوانێکدا بۆ کوردستان24، ئاماژەی بەوەشکرد، مەرجیان داناوە بۆ هەموو ئەو شوێنانەی کە لە رەمەزاندا مۆڵەتی کردنەوەیان وەرگرتبوو، بۆ رۆژانی جەژنیش شوێنەکانیان بەرووی گەشتیاران و سەردانی کاراندا کراوە بکەن، بۆ پێشکەشکردنی خزمەتگوزاری و راکێشانی گەشتیاران بۆ پارێزگای سلێمانی.
راشیگەیاند "لە رۆژانی جەژی رەمەزانی ساڵی رابردوو زیاتر لە 174 هەزار گەشتیار روویانکردە پارێزگای سلێمانی، بۆ ئەمساڵیش چاوەڕوان دەکەن ئەو رێژەیە رووبکاتەوە ئەو پارێزگایە".