نێچیرڤان بارزانی: با یادى شۆڕشى گوڵان بكهینه ههوێنى یهكڕیزى نێوان هێزه سیاسیی و پێكهاتهكانى كوردستان
K24 - هەولێر:
بهبۆنهی ساڵیادی ههڵگیرساندنی شۆڕشی گوڵان، نێچیرڤان بارزانی جێگری سهرۆكی پارتی دیموكراتی كوردستان، پهیامێكی بڵاوكردهوه، تێیدا ئاماژه بهوه دهكات، شۆڕشى گوڵان وهك درێژهپێدهرى شۆڕشى مهزنى ئهیلوول به ڕابهرایهتیى بارزانیى نهمر، سهلمێنهرى ئهو راستییه بوو كه هیچ هێز و پیلانێك ههر چهنده گهوره بن، ناتوانن ئیرادهى گهلى كوردستان بۆ ئازادى بشكێنن. دهشڵێت: "با یادى شۆڕشى گوڵان بكهینه ههوێنى یهكڕیزى نێوان هێزه سیاسیی و پێكهاتهكانى كوردستان".
ههروهها نێچیرڤان بارزانی دهڵێت: "پێكهوه كار بۆ چارهسهركردنى كێشهكان و تێپهڕاندنى سهختییهكان بكهین، تا بتوانین فیدراڵى و دهسكهوت و مافه دهستوورییهكانى ههرێمى كوردستان بپارێزین".
دهقی پهیامهكهی نێچیرڤان بارزانی:
له یادى پیرۆزى شۆڕشى 26ـی گوڵاندا، به رێز و شكۆوه شههیدانى نهمر و ئهو قارهمانانه به بیر دههێنینهوه، كه لهو رۆژگاره سهخت و ئاڵۆزهدا بڵێسهى ههستانهوه و داگیرسانهوهى چراى شۆڕش بوون و دووباره ئومێد و هیواى ئازادییان له دڵى گهلى كوردستاندا زیندووكردهوه.
شۆڕشى گوڵان وهك درێژهپێدهرى شۆڕشى مهزنى ئهیلوول به رابهرایهتیى بارزانیى نهمر، سهلمێنهرى ئهو راستییه بوو، كه هیچ هێز و پیلانێك ههر چهنده گهوره بن، ناتوانن ئیرادهى گهلى كوردستان بۆ ئازادى بشكێنن. بۆیه بهوپهڕى ئامادهیى بۆ قوربانیدان، گهلى كوردستان له شۆڕشى گوڵاندا دووباره ههستایهوه سهرپێ تا له راپهڕینى ئازارى 1991دا به ههموو هێز و پێكهاتهكانییهوه تاجى سهركهوتنى لهسهرنا.
با یادى شۆڕشى گوڵان بكهینه ههوێنى یهكڕیزى و تهبایى ههموو هێزه سیاسییهكان و پێكهاتهكانى كوردستان، پێكهوه كار بۆ چارهسهركردنى كێشهكان و تێپهڕاندنى سهختییهكان بكهین، تا بتوانین فیدراڵى و دهستكهوت و مافه دهستوورییهكانى ههرێمى كوردستان بپارێزین و بهرهو داهاتوویهكى باشتر ههنگاو بنێین.
بهرز و شكۆدار بێت یادى شۆڕشى گوڵان. دروود بۆ گیانى پاكى شههیدان و سڵاو له پێشمهرگه قارهمانهكانى كوردستان.
نێچیرڤان بارزانى
2023/5/26