بەرپرسی لقی پێنجی پارتی: دادگای فیدراڵی دەستوەردان لە کاروباری کۆمیسیۆن دەکات
K24 – هەولێر:
بەرپرسی لقی پێنجی پارتی دیموکراتی کوردستان ئاماژەی بەوەدا، بڕیارەکەی دادگای باڵای فیدڕاڵی بڕیارێکی نادەستوورییە و دژی میکانزیمەکانی فیدرالیزمە.
ئەمڕۆ یەکشەممە (25ـی شوباتی 2024) ئازاد شەفێ، بەرپرسی لقی پێنجی پارتی دیموکراتی کوردستان، تایبەت بە کوردستان24ـی راگەیاند، بڕیارەکەی دادگای فیدراڵی بڕیارێکی تەواو مەرکەزییەوە و دەستوەردانە لە کاروباری کۆمیسیۆنی هەڵبژاردنەکان.
هاوکات گوتیشی: بڕیارەکەی دادگای باڵای فیدڕاڵی بڕیارێکی نادەستوورییە و دژی میکانزیمەکانی فیدرالیزمە.
رۆژی چوارشەممە، (21ـی شوباتی 2024) دادگای باڵای فیدراڵیی عێراق بۆ یەکلاییکردنەوەی ئەو سکاڵایانەی لە دژی مووچەی فەرمانبەر و مووچەخۆرانی هەرێمی کوردستان و یاسای تایبەت بە هەڵبژاردنی پەرلەمانی کوردستان تۆمارکراببون، کۆبووەوە.
لە دانیشتنەکەدا دادگای فیدراڵی دژی کورسی کۆتاکانی پەرلەمانی کوردستان بڕیاریدا، هاوکات ژمارەی کورسی کۆتاکانی پەرلەمان هەڵوەشێنداریەوە و ژمارەی کورسییەکانی پەرلەمانیش لە 111ـەوە کەمکرایەوە بۆ 100 کورسی.
ای خۆیانەوە پێکهاتەکان لە هەرێمی کوردستان ناڕەزایەتییان بەرامبەر بە بڕیارەکەی دادگای فیدراڵی تایبەت بە کورسی کۆتاکان دەربڕی و بڕیارەکە رەتدەکەنەوە.
هاوکات بڕیارەکەی دادگا بە سیاسی دەزانن و جەختیش لە گەڕانەوەی مافەکانیان دەکەنەوە.