فەرهاد ئەسعەد: سبەی وادەی پێشکەشکردنی ناوی کاندیدان بۆ هەڵبژاردنی پەرلەمانی کوردستان کۆتایی دێت
K24 – هەولێر:
بەرپرسی تۆماری لایەنە سیاسیەکان و کاندیدان لە ئۆفیسی هەولێری کۆمیسیۆنی هەڵبژاردنەکانی عێراق ڕاگەیاند، بۆ وەرگرتنی ناوی لیستی کاندیدەکانی لایەنە سیاسیەکان و تۆمارکردنیان لە ئەرکی بەردەوامدان.
فەرهاد ئەسعەد شێتنە، بەرپرسی تۆماری لایەنە سیاسیەکان و کاندیدان لە ئۆفیسی هەولێری کۆمیسیۆنی هەڵبژاردنەکانی عێراق، تایبەت بە کوردستان24ـی راگەیاند، سبەی وادەی پێشکەشکردنی ناوی کاندیدان بۆ هەڵبژاردنی پەرلەمانی کوردستان کۆتایی دێت، هەروەها بۆ وەرگرتنی ناوی لیستی کاندیدەکانی لایەنە سیاسیەکان و تۆمارکردنیان لە ئەرکی بەردەوامدان.
بەرپرسی تۆماری لایەنە سیاسیەکان و کاندیدان لە ئۆفیسی هەولێری کۆمیسیۆنی هەڵبژاردنەکانی عێراق ئاماژەی بەوەکرد، تا ئێستا تەنها یەکگرتووی ئیسلامی کوردستان و بەرەی تورکمانی و هاوپەیمانی سەردەم و هاوپەیمانی هەرێمی کوردستان و 12 کاندیدی سەربەخۆ ناویان پێشکەش کردووە.
رۆژی یەکشەممە (3ـی ئاداری 2024) نێچیرڤان بارزانی، سەرۆکی هەرێمی کوردستان لە مەرسومێکدا، وادەی هەڵبژاردنی خولی شەشەمی پەرلەمانی کوردستان دیاریکرد کە رۆژی (10ـی حوزەیرانی 2024) بەڕێوەدەچێت.
لەوبارەیەوە سەرۆکایەتیی هەرێمی کوردستان راگەیەندراوێکی بڵاوکردەوە و ئاماژەی بەبوەکردووە، بهپێى فهرمانهكه ههموو لايهنه پهيوهنديدارهكان پابهند دهبن به ئهنجامدانى كارى پێويست بۆ هاوكارى و ههماههنگى لهگهڵ كۆمیسيۆنى باڵاى سهربهخۆى ههڵبژاردنهكانی عێراق بۆ جێبهجێكردنى فەرمانەکە، کە لە رۆژى دهرچوونييهوه جێبهجێ دهكرێت.