شیرین فوئاد مهعسووم: پارتی حزبێكی جهماوهرییه و ئهگهر ئهو جهماوهرە بهشداریی ههڵبژاردن نهكات، پرۆسهكه سهركهوتوو نابێت
K24 – هەولێر:
پسپۆڕێكی پهیوهندییه نێودهوڵهتییهكان لهبارهی بهشداری نهكردنی پارتی له ههڵبژاردنی پهرلهمانی كوردستان دەڵێت: پارتی حزبێكی جهماوهرییه و ئهگهر ئهو جهماوهرە بهشداریی ههڵبژاردن نهكات، پرۆسهكه سهركهوتوو نابێت.
شیرین فوئاد مەعسووم، توێژەر و پسپۆڕی پەیوەندییە نێودەوڵەتییەکان به كوردستان24ـی ڕاگهیاند، دوو پرس ههیه ئهگهر جێبهجێ بن، پارتی بهشداری له ههڵبژاردنی پهرلهمانی كوردستان دهكات، یهكهم چارهكردنی پرسی كورسیی كۆتا، دووهمیش سیستهمی ههڵبژاردن و كێشهی پهنجه مۆره، كه دهبێت چاره بكرێن.
ئهو پسپۆڕهی پهیوهندییه نێودهوڵهتییهكان دهشڵێت، پارتی تهنیا دهنگی یهك حزب نییه، بهڵكو پارتی دهنگی گهلی كوردستانه.
گوتیشی: "بهبێ پارتی ههڵبژاردن ناكرێ، ئهگهر بشكرێ شهرعیهتی نییه".
ڕۆژی (18ـی ئاداری 2024) مەکتەبی سیاسیی پارتی دیموکراتی کوردستان بەیاننامەیەکی لەبارەی دۆخی ئێستای عێراق، پەیوەندییەکانی هەولێر و بەغدا، هەڵبژاردنی پەرلەمانی کوردستان، بڕیارەکانی دادگای فیدراڵی بڵاوکردەوە و ڕایگەیاندووە: "بە بەرژەوەندیی گەل و نیشتمانەکەمانی دەزانین كە پارتیمان نەچێتە ژێرباری پەسەندکردنی بریاری نادەستووری و سیستەمێکی سەپێنراو لە دەرەوەی ئیرادەی گەلی هەرێمی كوردستان و دامەزراوە دەستوورییەکانی و بەشداری هەڵبژاردنێک نەكات کە بە نایاسایی و نادەستووری و لەسایەی سیستەمیکی سەپێنراودا بەڕێوە بچێت".
ئەو هەڵوێستەی پارتی دوای بڕیارەکەی دادگای فیدراڵی عێراق هات لە رۆژی (21ـی شوباتی 2024) کە دوای 11 جار دواخستنی دانیشتنەکانی لەبارەی یاسای هەڵبژاردنی پەرلەمانی کوردستانەوە بڕیاریدا، بۆ خولی شەشەمی هەڵبژاردنی پەرلەمانی کوردستان؛ هەرێمی کوردستان بەسەر چوار بازنەی هەڵبژاردندا دابەش بکرێت و ژمارەی کورسی کۆتاکان کە 11 کورسین هەڵوەشاندەوە، بەو پێیەش کۆی ژمارەی کورسییەکانی پەرلەمانی کوردستان لە 111 کورسییەوە بۆ 100 کورسی کەم دەکرێنەوە.
ڕۆژی 3ـی ئاداری 2024، نێچیرڤان بارزانی، سەرۆکی هەرێمی کوردستان لە مەرسوومێکدا ڕۆژی (10ـی حوزەیرانی 2024)ـی وەکو وادەی بەڕێوەچوونی هەڵبژاردنی خولی شەشەمی پەرلەمانی کوردستان دیاری کرد.