Siyasî

HUDA-PAR: Baweriya xelkê bi dadweriya Tirkiyê nema ye

Zekeriya Yapicîoglu: Ji bo jiyaneke mirovî divê dadwerî hebe û mirov jihev bawer bikin. Lê dadgehên Tirkiyê neserbixwe ne û bawerî bi wan nema ye.

Kurdistan24 Hewlêr 2018/04/09 07:14

tirkiyê HUDA-PAR Tirkiye Dadwerî

K24 - Navenda Nûçeyan

Hudaparê rexneyên tund li dadgehên Tirkiyê kir, ku bi awayekî serbixwe kar nakin û baweriya xelkê bi dadweriyê nema ye.

Serokê Giştî yê Partiya Doza Azad (HUDA-PAR) Zekeriya Yapicîoglu li bajarê Qeyserî, beşdarî kongirê şaxê partiya xwe bû û da zanîn, ku di heyama 12 salan de, hejmara zindaniyên Tirkiyê 4 car zêde bûye.

Zekeriya Yapicîoglu diyar kir, ku ew wekê parêzerekî dibêje, dadgeh biryarên siyasî didin û neserbixwe kar dikin.

Yapicîoglu got jî: Ji bo jiyaneke mirovî divê dadwerî hebe û mirov jihev bawer bikin. Lê niha baweriya xelkê bi dadgehan nema ye û dadgeh neserbixwe ne û rewşa awarte sitemeke mezin li xelkê dike.

N.O